\_sh v3.0  400  Text
\_DateStampHasFourDigitYear

\ref CORD18.002
\tx Mei aiyɨ uriya uai baɨfene akɨ daɨitade, daɨnanomo yɨɨikaide.

\ref CORD18.003
\tx Iemona akɨ daɨi uurite urue aiyɨ nabefuena ja jenua uai meiñote.

\ref CORD18.004
\tx ¿Nɨeze eroikano raa jenoka?, ¿nɨɨe uaido?, ¿nɨɨe komekɨdo?, ja
daɨde.

\ref CORD18.005
\tx Ie jira raa jenua uai ite, nano fueñe meiñoga.

\ref CORD18.006
\tx Meiñota, raa jenoka, nia raa oga.

\ref CORD18.007
\tx Ie mei meiñoñeniadɨ mei oñega.

\ref CORD18.008
\tx ¿Nɨeze eroikano jae ua mooma jenode?, daɨde, ¿nɨeze eroikano
jae eiño jenode?

\ref CORD18.009
\tx Daɨna komekɨdo jenode.

\ref CORD18.010
\tx ¿Nɨnomo ite?, koni daɨde.

\ref CORD18.011
\tx Ja ua meiñote, ¿nɨnomo kɨoide io fɨnode arɨ raa atɨyena?

\ref CORD18.012
\tx Meita atɨredeza danomo eroide, eroidemo ñue kɨoide.

\ref CORD18.013
\tx Ie jira ja maɨrie fɨnode, ua maɨrie ja fɨnode, biedo arɨ atɨitɨkue
ñue.

\ref CORD18.014
\tx Akie izoi eroikana raa jenua uai ite.

\ref CORD18.015
\tx Meita ebire atɨde, iekoni moomo dukɨitate, iekoni moo iobite,
iekoni eiño iobite.

\ref CORD18.016
\tx Ie jira moo daɨde, ua ɨizana komuidɨo; eiño daɨde, ua kue ɨizana
jokoritɨkue, ja iobite.

\ref CORD18.017
\tx Fɨmaika urue, yetaka urue, raa jenuana onodɨmɨe, raa jenoyena
fɨmaika.

\ref CORD18.018
\tx Mei onide, daɨde, onina jira, daɨde, beno iteita, raa jiyakɨmo ite,
moo komekɨmo ite, uafue.

\ref CORD18.019
\tx Nɨɨ raa naama, mei ¿nɨeze ieñede uaido buu jenoride?, nabezido
yɨɨnoga.

\ref CORD18.020
\tx Nia ñue bite, dɨnomo ñuera uaido kome dukɨide, jitaiyanona
jɨkade iñena jira.

\ref CORD18.021
\tx Uafue, moo daɨde, ite, daɨde, jenodɨmɨe iiga, jɨkadɨmɨe iiga,
uafuedo.

\ref CORD18.022
\tx Akie izoikana arɨ raa atɨa uai.

\ref CORD18.023
\tx Ñuefuemo duuide, kaɨmafuemo duuide, imɨe ebire jɨridote, imɨe
ebire iiga, zuufuemo duuiñede, rairaɨfuemo duuiñede.

\ref CORD18.024
\tx Ie izoi eroikano jae arɨ rafue atɨka, fia ua jɨfanoyena atɨñega, fia
ua yaguedoyena atɨñega.

\ref CORD18.025
\tx Kaɨ komuiya raa, ñuena jira, dɨga jiza nɨkɨdoga, ebirena jira.

\ref CORD18.026
\tx Ie jira dɨga jiza eroidɨmɨe moo komekɨmo itɨfuena.

\ref CORD18.027
\tx Kaɨ iena ie komuitaga, fui jitaitɨmɨe jɨkaiadɨ iiye, daɨnanona iite.

\ref CORD18.028
\tx Ie iadɨ fɨmaidɨmɨemo duuide, ebe uainamo jitaiñede,
yaguefuenamo jitaiñede.

\ref CORD18.029
\tx Jae einamakɨ akie izoi guite, ñue uriya baɨfene roziyɨ rɨede,
oogodo rɨede, juiñoi jirode, jiibie dute, yera mete, afe baɨfene.

\ref CORD18.030
\tx Ie jira einamakɨ jae tuuiga io, birui kaɨ tuuiñega, fui iedo jitaidɨmɨe
jaaiyena raa arɨ atɨyena.

\ref CORD18.031
\tx Atɨano komuitate, atɨano jebuitate, imɨemo ite, jitaidɨmɨe oyena.

\ref CORD18.032
\tx Nɨɨ moo ua naama, nɨɨ ua raa naama, rafue naama, nɨɨ ua uina
kɨoide, ie fuemona bairede, jefona kakaide, ¿nɨnomona?, biko
jiyakɨmo, ui kɨoide, jefo kakaide.

\ref CORD18.033
\tx Ie jira moo fɨnode, eiño fɨnode, jaɨenikɨ iena moo urue eroikana
rafue arɨ atɨde, komuiyafuena bite, guiyafuena bite, nɨɨ ua moo
jenoka.

\ref CORD18.034
\tx ¿Nɨeze mei taɨno kaɨ yoiride?, taɨno yonide.

\ref CORD18.035
\tx Akie izoide daɨnanona uruiaɨ yofuete, rɨngoza yofuete.

\ref CORD18.036
\tx Mei onina jira ikɨ komekɨna uairede.

\ref CORD18.037
\tx ¿Neemei buu jeruika?, buu jeruiñega, akie izoide.

\ref CORD18.038
\tx Jaka mei jenodɨmɨe baite, iñedeita iñede kaɨ daɨiri, ite, daɨde.

\ref CORD18.039
\tx Iyado kaadɨkaɨ, iyado jirodɨkaɨ.

\ref CORD18.040
\tx Iñedenia mei komuiñedɨkaɨ, meita moo komekɨmo rafue uurite.

\ref CORD18.041
\tx Ie izoi kaɨ komekɨmo rafuena uurite, ñuera taɨjɨe komena jafue
fɨnoñede, komena meaidaitañede, uafuedo atɨka, jenoka, baiga.

\ref CORD18.042
\tx Akie izoikano jae moo uriya uai, nana daamɨe komekɨmona
komuide, daamɨe komekɨmona ɨnɨde, daamɨe komekɨmona taɨjɨde.

\ref CORD18.043
\tx Akɨ raa jenua uai ñuefuena monaide, kaɨmafuena monaide,
dɨnomona ja onoiga, moo komekɨmo monaide, eiño komekɨmo
monaide.

\ref CORD18.044
\tx ¿Nɨeze mei ua iñede kaɨ daɨiri?, kaɨ fɨnokaita ñeiri, moo fɨnoka.

\ref CORD18.045
\tx Meita moo komekɨmo nana uafuena ite, dɨnomo zuufuena iñede,
dɨnomo rairaɨfuena iñede, dɨnomo ɨrafuena iñede, nana ñuera,
nana fɨgora.

\ref CORD18.046
\tx Jadie izoide ite ikɨ komekɨmo duuide, jɨaɨkɨmo duuiñede.

\ref CORD18.047
\tx Nɨɨ mei ua fɨnodɨmɨe, nɨɨ mei ua naama.

\ref CORD18.048
\tx Meita ñuera raa jenodɨkaɨ kaɨ komuiyena, ¿nɨeze mei iñede kaɨ
daɨiri?

\ref CORD18.049
\tx Idɨ jenoka raa uai ñuefuena ite, kaɨmafuena ite, dɨga jiza komekɨ
zuitade.

\ref CORD18.050
\tx Meita zuitara jira duera iadɨ aiyo kaɨmarede, aiyo farede, akie
izoikano jenoka.

\ref CORD18.051
\tx Nana moo ie akɨ dɨnomo duuide, daajedo jaka jofokaɨ oga,
daajedo jaka ua amena kaɨ tɨeka, daajedo airɨrokɨ kaɨ daɨna,
daajedo gakue kaɨ oga, kaɨ jenoka.

\ref CORD18.052
\tx Jenoka raa mei ua kɨona, akie izoidɨno.

\ref CORD18.053
\tx Meeredɨno jiyakɨ daaje izoide, jenua uai ite, atɨa uai ite, fɨnonidɨno
jaka fɨnoka.

\ref CORD18.054
\tx ¿Neemei kaɨ uibiyɨno?, ¿neemei taɨno omoɨ daɨiri?, taɨnona iñede,
iñedenia mei kɨoiñena, ie mei jaka ite.

\ref CORD18.055
\tx Ie izoikano iya meinona bie rafue iñede, kaɨ daɨna.

\ref CORD18.056
\tx Fia kaɨ onoiñena, fia kaɨ jenoñega, jaka ua dueredɨmɨe jenode,
iñena jira jenode.

\ref CORD18.057
\tx Imɨe mei ua komuitate, nana raa mei ua jenuamo duuide.

\ref CORD18.058
\tx Ie fia dɨnomona taɨnona uuritɨkaɨniadɨ mei dɨnomona mei
komuideita taɨno kaɨ yoiri, komuiñede.

\ref CORD18.059
\tx Taɨjɨdɨmɨe mei kɨode, taɨjɨdɨmɨe mei baiga.

\ref CORD18.060
\tx Ie jira baiya uai, baiya komekɨ, ie jira afekɨ komekɨmo duuide.

\ref CORD18.061
\tx Akie izoikano mei jae moo jenode, mei moo komuitate.

\ref CORD18.062
\tx Ie meinori mei kaɨ daaje izoide uaido mei kaɨ jenoiadɨ kaɨ atɨka,
atɨka mei meine jaaiñede.

\ref CORD18.063
\tx Koni nabezido atɨkaza mei ua ¿nɨne meine jaaide?

\ref CORD18.064
\tx Akɨ dɨnori mei kaɨ onoɨ fɨgo baiñede.

\ref CORD18.065
\tx Ie jira afeno baiyena onoɨ fɨmaika, rafue yɨɨnoyena, onoɨna otɨmɨe
mei yɨɨnoga, nabezido.

\ref CORD18.066
\tx Ie mei taɨno uaido mei mɨnɨkana iñede, ite iadɨ mei onoiñenano
iñede, daɨde.

\ref CORD18.067
\tx ¿Nɨeze mei yoite?, nanomo jaaiyamo duuide, jɨkanomo duuide.

\ref CORD18.068
\tx ¿Buu jaka jɨaɨma raa ua bainino atɨñede?, naamamo jɨkanoga.

\ref CORD18.069
\tx Akie izoikano ja ua jenokano bite einamakɨ mei yoga rafue, daama
kue uibiñega, daama kue ua taɨno kue yuaita ñeiri, uafuena jira
kue yoga, taɨjɨdɨmɨe mei onoiga, taɨjɨñedɨmɨe onoiñega.

\ref CORD18.070
\tx Ie izoide ja kue ua akɨkɨ komekɨdo kue jenoka, nana kuemo ua
monaide.

\ref CORD18.071
\tx Ie jira kue mei meairuiñeno uuritɨkue, meairuiñeno yotɨkue.

\ref CORD18.072
\tx Akie izoide.